撲克王

又到左期待以久既撲克之夜。好在我個TEAM果三個人都早走去左飲酒﹐我都可以早D走﹐番到屋企可以沖過涼先。

7點莊撞準時黎到﹐亞尖同蔥都差不多同一時間黎到。莊撞今次哎左拒最LIKE既麥西個野食﹐真係咁鐘意食麥西個野都有既。希望下次可以食番PIZZA。食完野開波﹐一邊睇NBA﹐一邊玩。可惜LEBRON果場贏太多﹐無咩好睇。

大家既籌碼都有上有落﹐無話一個人獨贏獨輸﹐都幾緊湊。不過亞尖玩左咁耐都好似唔識玩咁﹐笑到我地死。我保守既玩發雖然無大贏﹐但係密食當三番﹐最後竟然俾我贏晒﹐險勝蔥松。臨走莊藏仲將拒副架生留底俾我﹐可以話係薪火相傳。

期待下次撲克王的聚會。

Headmaster Lowcock

今日蘋果頭條終於唔係講曾蔭權﹐慳電膽﹐利益輸送﹐係講我地前前校長﹐LOWCOCK。原來拒仲在生既﹐我以前以為拒唔嚮庶架啦。仲有原來葉SIR一直同拒一齊住﹐真係唔講都唔知。

講起母校就好掛住﹐好想番去行下。話時話廿號有個140週年校慶晚宴﹐相信到時會有好多舊生出席。不過我諗都係D律師﹐醫生﹐高官多啦﹐我呢D流落費城既都係收埋好D。不過原來流落費城既除左我之外﹐仲有耀毯。

新工之同袍

講多D新工啦。我個TEAM計埋我有四個人﹐亞菜見到果個最老既﹐50零歲啦﹐有一仔一女﹐兩隻貓﹐做左十幾年ORACLE。
另一個30零歲﹐之前嚮日本住過柒年﹐單身﹐好勁﹐TECHNICAL上面。
至於我老細﹐超勁﹐全TEAM最細﹐細過我一年﹐好似咩都識既﹐問拒咩都答到你。唔係CN戴果D廢柴唔識野俾D下屬睇唔起。拒係勁到唔洗考CERTIFICATION既﹐因為D INTERNAL既野都識晒﹐可以走去改D SOURCE CODE。拒仲有四個仔女﹐應該廿歲開始生仔。
老細同卅零歲果個係孖必黎既﹐同聲同氣﹐一齊去買咖啡﹐食晏督波。班友唔飲水既﹐一日去買幾次咖啡。我計過拒地一日淨係食LUNCH﹐買咖啡既洗費都成廿蚊。三條友都成日講粗口﹐FF聲。同埋拒地對全公司既人都不滿﹐由於我地有自己房﹐所以成日會閂埋門講是非﹐鬧呢個鬧果個。我就覺得要包容下啦﹐呢D公司仔﹐你估真係請到行內精英咩﹐三山五嶽咩人都有﹐唔係個個都咁勁既。仲有我老細唔洗瞓既﹐唔好話放左工唔走﹐番到屋企都做到五點幾。不過對拒黎講都唔係叫做野﹐寫PROGRAM係當玩既﹐好似D友打機打通宵咁。都唔明拒有四個細路都成日唔番屋企﹐我估拒都唔係好想番﹐太噪﹐由老婆搞掂D細路算。
至於中國人﹐除你以外﹐有兩個。一個真係除你以外啦﹐番教會既﹐CHERRY HILL果間。成日叫我番﹐我話我都番架啦﹐強人街果間之麻。呢個人又係俾我D同事鬧到爆既﹐真係同胞都幫你唔到啦。

Nail Salon

我番工果度個PLAZA有間NAIL SALON﹐我日日都會經過﹐想講左好耐架啦。

呢間野既面積無1000呎都有800呎﹐有幾張SOFA﹐幾張整腳果D凳。由幾個亞州裔年青男女主理﹐其實就係瞓覺同上網。我次次放工經過個男人都嚮度上網﹐睇YOUTUBE。今日下午一點幾﹐拒仲嚮SOFA瞓覺添。

老老實實﹐咁多樣美容入面﹐我最唔LIKE就係GEL甲。

開波

正與拿頭話齊﹐唔寫開就唔想寫。今晚有時間一於寫爆你﹐但求重量不重質。

NBA禮拜二開左波﹐睇左幾場﹐都幾悶下。LEBRON既CAVALIERS連輸左兩場﹐唔係好掂。ONEAL既加入都無幫左﹐不過仍然期望FINAL LEBRON對KOBE之戰﹐仲可以睇埋ONEAL對LAKERS﹐KOBE﹐PHIL JACKSON。

西岸D波較有睇頭﹐有KOBE睇下﹐但係成10點半過後先開﹐太夜啦﹐無得睇。

仲有前幾日睇到關於Anthony Walker既新聞﹐30幾歲﹐退左休﹐但係已經破左產。職業生崖十幾年﹐賺埋賺埋過億﹐由於理財不善﹐拂霍過度﹐終於破產。呢班球員真係要好好教育﹐唔係真係個個瞓街。

東岸特色

星期五晚電腦媽同細野過黎食飯。我打開個森美廚櫃﹐細佬見到我地好多天旺兜兜同桶桶。講起先知原來呢個係我地美東既特色﹐LA果邊係無呢D膠桶既﹐都係用紙盒同發寶膠﹐無得用完再用。

竊聽風雲

作晚於我們的私人影院觀看了亞菜推介的竊聽風雲。關於亞菜既評語可到呢到看看。

我非常同意亞菜既講法﹐套野同無間無得比﹐除左陳光榮既配樂之外。頭十分鐘幾好﹐交待晒三位主角既背景﹐性格﹐頗流暢。古天樂演躁底幾好﹐爆晒粗。之後開始講唔通。嚮講鏟片度揾到呢位朋友幾留言﹐等我引述一下。

《竊聽風雲》劇本求其舉以下7點已經犯駁到暈:

1. 吳彥祖為了幫古天樂,竟然選擇被拆穿率達九成的方法,動機不明,角色空白?

2.快入超級豪門的吳彥祖,就為了幾百萬犯法?

3.巨富助手,人工及油水不了, 卻為了千五萬背叛長期飯票?

4.公務員的古天樂更蠢,為了百多萬,失去長工,公積金和保險金,明知會身犯險境,仲累死家人。角色動機和前後矛盾!

5.幾條感情線一出我就笑左! 劉青雲做甚麼壞事都是被迫, 連做第三者都講到被迫咁,角色白痴。

6.最最最好笑是, 青雲竟然明知不可以被人見到自己個樣時,主動除下頭罩,搞到被人尋仇,好白痴! 想自殺咩???編劇真係唔合理到極!!

7.結尾直頭爛尾,無故碰巧被點相很離譜,編劇完全為了草草埋尾, 又討好大陸官方就算。


除左呢D之外﹐我都有D唔明既地方。
1。李子雄﹐大頭﹐同另一條友既關係係咩? 好似係同一間公司﹐但係大頭幫王敏德﹐要殺李子雄?
2。點解王敏德要丟大頭落車?
3。朱慧敏俾王敏德收買左?
4。點解劉青雲地要幫李子雄﹐收埋兩日又放番出黎?
5。係咪朱慧敏打左個電話﹐所以有人殺劉青雲地?
6。嚮遊艇殺李子雄果個係咪區錦﹐咁鬼渣﹐俾人捉到又拗晒﹐同拒唔聲唔聲懶高深完全唔似。

仲有好多﹐都唔記得左。個結局真係廢爆﹐古惑仔都用過﹐好多電影都用過﹐估唔到宜家仲有人用。同埋播左段片出黎d人仲乜走﹐有野睇喎﹐唔明﹐違反人類本性。

張靜初既配音好熟﹐聽左好耐﹐終於醒起係久違了的葉璇。

新工

番左新工都成個月﹐都係時候講下。

揾工既過程都好順利﹐SUBMIT左RESUME﹐無幾耐HR就聯絡我﹐SETUP左PHONE IN既時間。由於之前無耐有幾PHONE IN既經驗﹐每次IN完都有寫番低重要既野﹐改下INTRODUCE YOURSELF果PART﹐所以拒問到既時候我可以好流暢咁答。IN到尾升拒就話SETUP下次IN PERSON既INTERVIEW。IN PERSON既INTERVIEW我覺得自己表現麻麻﹐不過出乎意料之外﹐幾個鐘頭後HR打黎問我有無CHECK MAIL﹐我話未阿﹐原來拒已經SEND左OFFER LETTER俾我。效率之快真係見所未見。

新公司位於NEW HOPE﹐PA。要搾成個鐘先番到﹐初初都既辛苦﹐不過宜家都慣左﹐聽下睛朗﹐主日學錄音﹐感覺都唔係好耐。反而係泊車麻煩﹐由於NEW HOPE算係旅遊區﹐周圍D車位都要俾錢。公司員工有PERMIT﹐但係就泊到無雷公咁遠﹐以我既速度都要行3分鐘﹐冬天都幾係野。公司既DRESS CODE係無DRESS CODE。D男人著短褲拖鞋﹐嚮公司入面仲唔著鞋行黎行去﹐非常核突﹐接受唔到。電腦方面我地可以選擇用咩都得﹐WINDOWS﹐LINUX﹐MAC。我就揀左MAC機。

同事方面我個TEAM有另外三個DBA﹐個個都好勁。老細同另一個同事都活躍於科技圈﹐經常嚮D CONFERENCE度做PRESENTATION。老細就嚮呢個WEEKEND去左ORACLE既OPENWORLD度PRESENT。不過拒地做野都幾狼﹐晚晚六點都唔捨得走﹐搞到我六點走好似好樣衰咁。好似岩岩個星期五﹐出面既人都走晒﹐拒地三個過晒六點﹐一D要走既意慾都無。真係吹漲。以前未夠六點都番到屋企﹐宜家就要成七點二先番到。不過揾食艱難﹐都唔怨得咁多。唔係個個好似亞菜咁可以下晝番屋企瞓雁覺。

Camper

想買對Camper﹐但係減價果D又無碼﹐無SALE果D又好貴。

保持通話

嚮尋晚既電影欣賞夜﹐我地睇左由古天樂﹐大S﹐劉火華主演既保持通話。電影既故事係源至荷里活既CELLULAR﹐雖然唔係好記得CELLULAR講乜﹐但係感覺上CELLULAR緊湊好多。特別係CELLULAR真係做到兩位主角要保持通話既難度﹐就斷就斷但係有駁得番﹐渣車入左隧道倒後出番黎。保持通話雖然都有﹐但係無咁難﹐同埋D飛車太誇﹐有D夾硬黎。
最攞膽就係劉火華既造形。黑色大褸﹐黑銀鏡﹐黑色賊仔帽﹐成個壞人咁款。喂﹐呢D款係做戲先有喎﹐真果D壞人邊有咁著發阿。
成套戲都有好野既﹐例如張家輝既出現真係幫度手。
整體黎講﹐唔算係好好睇﹐但係你話好難睇咩﹐又唔係。

P.S. 國際刑警呢個職務真係幾80年代﹐果時D警匪片實有國際刑警既出現。同埋好香港囉﹐荷理活阿﹐波理活阿﹐韓國以及日本既電影都好似無國際刑警既。

German Bridge

星期六RETREAT既時候講起GERMAN BRIDGE。我中六開始接觸呢個遊戲﹐幾易玩既。當我地嚮度解釋點玩既時候﹐講到"要哎自己食倒幾多棟"。知後我地就問英文係點講既呢﹐係唔係"call how many column you can eat"呢? 諗諗下我地估計呢個係香港人發明既遊戲﹐鬼佬無既。

今日嚮GOOGLE SEARCH GERMAN BRIDGE﹐得頭一個係我想揾既野﹐其他真係講橋既。同埋果個SITE雖然係英文﹐但係係香港SITE黎既﹐所以我估計我地既估計係無錯既。

同埋"要哎自己食倒幾多棟"既英文係"bid by turn to state how many tricks will be won"